ქალაქი ტფილისი 1920-იან წლებში
250,00 ₾ – 400,00 ₾
ფასის გამოსათვლელად გთხოვთ აირჩიეთ სასურველი მასალა, ზომა და ჩარჩოს ტიპი.
ქალაქი ტფილისი 1920-იანი წლებში გვიყვება XIX საუკუნის ბოლოს და XX საუკუნის დასაწყისის ქალაქის ამბებს, გვიჩვენებს ტფილისს საბჭოთა არქიტექტურის გავლენამდე. (თბილისის ისტორიაში ერთ-ერთი ყველაზე მასშტაბური სახეცვლილება 1930-იან წლებში მოხდა. ამ პერიოდში გაამაგრეს მტკვრის სანაპიროები, ‘მშრალი ხიდი’ გახდა მშრალი და დაიწყო თბილისის გარეუბნების განაშენიანება).
რუკა ეყრდნობა თბილისის XIX-XX საუკუნეების გეგმებს (1887, 1910, 1924, 1930 წწ) და სხვა ღია წყაროებს. რუკის ერთ-ერთი უნიკალური ღირებულებაა ქალაქის ქართული სახელწოდებების შენარჩუნება/აღდგენა. ამ ეპოქის რუკების უდიდესი ნაწილი რუსულ ენაზეა შედგენილი და ამკვიდრებს უბნების, ქუჩების და მოედნების რუსულ სახელწოდებებს, როგორიცაა ‘პესკი’, ‘ერევანსკი მოედანი’ და ა.შ. ეს ტერმინები დღესაც კი გამოიყენება ტურისტული გიდების ლექსიკონში. თუმცა არსებობს 1924 წლის თბილისის გეგმა, ისევე როგორც თბილისის ქუჩების, გამზირების, მოედნების ენციკლოპედია (საქართველოს მეცნიერებათა ეროვნული აკადემია) რომლებმაც იმ ეპოქის ქართული ტოპონიმები შემოგვინახა.
რუკაზე კარგად ჩანს იმ დროინდელი თბილისის მწვანე ზონები, მარჯანიშვილის თუ ნაძალადევის სახასიათო განაშენიანების ფორმა, რომელიც ამ უბნების ფორმირების ისტორიის ნაწილია, მე-20 საუკუნის დასაწყისის ელექტრონის ტრამვაის ხაზი და რკინის გზის ხაზი, ყველასთვის ნაცნობი ისტორიული ობიექტები და უცნობი საყოფაცხოვრებო დაწესებულებები, რომლებიც მაშინდელი თბილისის ცხოვრების დეტალებზე მიგვანიშნებს.
რუკა ძველი კარტოგრაფიული ტექნოლოგიით – ხელით არის შედგენილი (დახაზული და დაფერილი) და დაბეჭდილია უმაღლესი ხარისხის ქაღალდზე.
| ზომები | არ არის |
|---|---|
| მასალა | ფოტო ქაღალდი, ტილო |
| ზომა | A3, A2, 100 სმx100 სმ |
| ჩარჩო | ხის ჩარჩო, ქვე-ჩარჩო, ჩარჩოს გარეშე |
მსგავსი პროდუქტები
